आदरणीय सिन्धुली मूल घर भई अमेरिका निवासी सम्पूर्ण महानुभावहरूलाई हार्दिक अनुरोध। हाम्रो निकट भविष्यमा हुन गइरहेको तेस्रो कार्यसमिति गठनका लागि संस्थाको नीति बमोजिम निर्वाचन गरी सक्षम तथा संस्थालाई समय दिन सक्ने व्यक्तिहरूको चयन गर्नुपर्ने भएको हुँदा यहाँहरूको सहभागिताका लागि सिन्धुली समाज अमेरिका हार्दिक अनुरोध गर्दछ। निर्वाचनमा सहभागिताका लागि वा उम्मेदवारी दिन संस्थाको नीति अनुसार सदस्यता अनिवार्य भएकोले सदस्यता लिन चाहनुहुने महानुभावहरूले सेप्टेम्बर २१ सम्म माथि साझा गरिएको लिंकमा भिजिट गरी तथा हामीसँग सम्पर्क गर्नुहुन जानकारी गराइन्छ। साथै, पहिले नै वार्षिक सदस्यता लिनुभएका महानुभावहरूले आफ्नो सदस्यता नवीकरण गर्नुहुन अनुरोध गर्दछौं। आजीवन सदस्यताका लागि भने नवीकरण गर्नु पर्दैन। साथै, हामीले न्यूयोर्कमा अगस्ट २२ मा पिकनिकको आयोजना पनि गरेका छौं। यहाँहरू सबैको सहभागिताका लागि हार्दिक अनुरोध गर्दछौं। यहाँहरू सबैको जानकारीका लागि, यो कार्यक्रम पूर्ण रूपमा व्यक्तिगत खर्चबाट आयोजना हुँदैछ। संस्थाको कुनै पनि रकम खर्च हुने छैन। अब हामी छिट्टै निर्वाचन समिति गठन गरी निर्वाचनको तयारी गर्नेछौं। यहाँहरू सबैलाई संस्थामा प्रत्यक्ष रूपमा बोर्डमा आबद्ध भएर वा सदस्यता लिएर सक्रिय सहभागिता जनाइदिनुहुन सिन्धुली समाज अमेरिका हार्दिक अनुरोध गर्दछ। धन्यवाद। सिन्धुली समाज अमेरिका सचिवालय